वादग्रस्त IAS पूजा खेडकर प्रकरण: दिव्यांग संघटनांकडून कठोर कारवाईची मागणी

पुणे: प्रशिक्षणार्थी आयएएस अधिकारी पूजा खेडकर यांनी खोटे दिव्यांग प्रमाणपत्र सादर करून नोकरी मिळवली असल्याचा आरोप आहे. या गंभीर प्रकरणात दिव्यांग नागरिकांच्या संघटनांनी तीव्र निषेध व्यक्त करत खेडकर आणि संबंधित डॉक्टरांवर कठोर कारवाईची मागणी दिव्यांग नागरिकांनी केली आहे. या प्रकरणी दिव्यांग कल्याण आयुक्त महाराष्ट्र डॉ. प्रवीण पूरी यांना निवेदन दिले.

रफिक खान ( प्रहार अपंग क्रांती दल) : “दिव्यांगाचा संघर्ष जन्मापासूनच सुरु होतो, आणि तो शाळेत, महाविद्यालयात आपले शिक्षण कसे पूर्ण करतो त्यालाच त्याची जाणीव असते. त्यानंतर नोकरीसाठी एक अजून मोठा संघर्ष करावा लागतो. अशा प्रकारामुळे खरा दिव्यांग हक्कापासून वंचित राहतो, आणि त्याचे परिणाम त्याच्या परिवारालाही भोगावे लागतात. म्हणून या सर्व प्रकरणात चौकशी समिती गठीत करून दोषी आढळलेल्या सर्व गुन्हेगारांवर गुन्हा दाखल करून कठोर कारवाई झाली पाहिजे जेणेकरून भविष्यात असे घडणार नाही.”

या वेळी आकाश कुंभार धर्मेंद्र सातव, सुरेखा ढवळे, सुनंदा बाम्हणे, विष्णूपंत गुंडाळ, सुप्रिया लोखंडे या दिव्यांग नागरीकांनी आपल्या तीव्र भावना व्यक्त केल्या.

दीव्यांग प्रमाणपत्र कसे मिळाले:

• अहमदनगर जिल्हा रुग्णालयाने पूजा खेडकर यांना दृष्टी आणि मानसिक आजाराचे दिव्यांग प्रमाणपत्र जारी केले.
• या प्रमाणपत्राच्या आधारे त्यांनी UPSC परीक्षा उत्तीर्ण होऊन भारतीय प्रशासकीय सेवा (IAS) मध्ये प्रवेश मिळवला.
• तथापि, खेडकर खरोखरच दिव्यांग नाही असा आरोप आहे आणि या प्रकरणी सध्या तपास सुरू आहे.

दिव्यांग संघटनांची भूमिका:

• या संघटनांनी खोटे प्रमाणपत्र बनवणाऱ्या आणि त्यांचा वापर करणाऱ्या दोघांवरही कठोर कारवाईची मागणी केली आहे.
• अशा गैरप्रकारांना भविष्यात रोखण्यासाठी कठोर नियम आणि कायदे अंमलात आणण्यावर भर दिला जात आहे.
• खऱ्या दिव्यांग व्यक्तींना मिळणाऱ्या संधींवर खोटे प्रमाणपत्राद्वारे अन्याय होणार नाही याची खात्री करणे गरजेचे आहे.

• या प्रकरणाचा तपास सुरू आहे आणि लवकरच यात कायदेशीर कारवाई काय होते हे स्पष्ट होईल.
• दिव्यांग नागरिकांच्या हक्कांसाठी लढणाऱ्या संघटना या प्रकरणाचा पाठपुरावा करत योग्य ती कारवाई होईपर्यंत प्रयत्नशील राहतील.

संपादक: हे प्रकरण समाजात मोठ्या प्रमाणावर चर्चेचा विषय बनले आहे आणि दिव्यांग व्यक्तींच्या हक्कांवर आणि सरकारी नोकरीसाठीच्या प्रक्रियेतील पारदर्शकतेवर गंभीर प्रश्नचिन्ह उपस्थित करते. या प्रकरणाचा त्वरित आणि निष्पक्ष निकाल लागणे गरजेचे आहे जेणेकरून अशा गैरप्रकारांना पुढे रोखता येईल आणि दिव्यांग नागरिकांना मिळणाऱ्या संधींचे रक्षण करता येईल.

The Controversial Pooja Khedkar Case: Divyang Organizations Demand Strict Action

Pune: Trainee IAS officer Pooja Khedkar is accused of securing a job by submitting a fake disability certificate. In this serious matter, organizations of disabled citizens have expressed strong protest and demanded strict action against Khedkar and the doctors involved.

Summary of the Case:

• Ahmednagar District Hospital issued a disability certificate to Pooja Khedkar for visual impairment and mental illness.
• Based on this certificate, she cleared the UPSC exam and entered the