परिवर्तन महाशक्तीची घोषणा: महाराष्ट्राच्या राजकारणात तिसरा पर्याय.

• राजू शेट्टी, संभाजीराजे, बच्चू कडू यांची ‘परिवर्तन महाशक्ती’ ची घोषणा – राज्याच्या राजकारणात तिसरी आघाडी.

पुणे : महाराष्ट्राच्या राजकारणात नवीन आघाडीचे आगमन होत आहे. छत्रपती संभाजीराजे, शेतकरी नेते राजू शेट्टी, आणि प्रहार जनशक्ती पक्षाचे संस्थापक बच्चू कडू यांच्यासह विविध पक्षांचे प्रमुख नेते एकत्र येत ‘परिवर्तन महाशक्ती’ या तिसऱ्या आघाडीची घोषणा काल करण्यात आली.

पुण्यातील व्हीव्हीआयपी सर्किट हाऊस येथे पार पडलेल्या या बैठकीत महाराष्ट्राच्या राजकारणाला नवा सक्षम आणि सुसंस्कृत पर्याय देण्याचा निर्धार व्यक्त करण्यात आला.

संभाजीराजे छत्रपती म्हणाले की, “राज्यातील जनतेची अस्वस्थता आणि असंतोष लक्षात घेता, त्यांना एक सुसंस्कृत व प्रभावी राजकीय पर्याय देण्याची वेळ आली आहे. सध्याच्या राजकीय स्थितीत दोन्ही प्रमुख पक्षांनी जनतेच्या अपेक्षा पूर्ण करण्यात अपयश येत असल्याचे स्पष्ट झाले आहे.”

राजू शेट्टी यांनी स्पष्ट केले की, “महाराष्ट्राच्या राजकारणावर कोणत्याही एका पक्षाचा मक्ता नाही, त्यामुळे आम्ही सामूहिक नेतृत्व देण्याचा प्रयत्न करीत आहोत. ‘परिवर्तन महाशक्ती’ मध्ये एकत्र येणारे सर्व नेते व संघटनांचा समान अधिकार असेल.”

बच्चू कडू यांनी सांगितले की, “आमच्या विचारांमध्ये स्पष्टता आणि मुद्दे आहेत. ज्या पक्षांना आणि संघटनांना आमच्या या आघाडीमध्ये सहभागी व्हायचे आहे, त्यांचे स्वागत आहे.”

शंकरअण्णा धोंडगे (महाराष्ट्र राष्ट्र समिती) यांनी नमूद केले की, “महाराष्ट्रातील प्रस्थापित आघाड्यांना पर्याय म्हणून आमची आघाडी उभी राहणार असून, येणाऱ्या निवडणुकीत आम्ही जनतेला एक नवीन राजकीय मार्ग दाखवणार आहोत.”

यावेळी बोलताना वामनराव चटप (स्वतंत्र भारत पक्ष) यांनी सांगितले की, “२६ सप्टेंबर रोजी छत्रपती संभाजीनगर येथे ‘परिवर्तन महाशक्ती’चा कार्यकर्ता मेळावा आयोजित करण्यात येणार आहे, ज्यामध्ये विविध पक्षांचे कार्यकर्ते सहभागी होतील. तसेच आघाडीच्या धोरणांवर निर्णय घेण्यासाठी समिती स्थापन केली जाईल.”

महत्वाचे मुद्दे:

• आघाडीचे नेतृत्व सर्वसमावेशक आणि लोकाभिमुख असेल.
• शेतकरी प्रश्न, बेरोजगारी, मराठा आरक्षण यांसारख्या महत्त्वाच्या मुद्द्यांवर ठोस उपाययोजना करण्याची घोषणा.
• विविध पक्ष आणि संघटनांना एकत्र आणण्यासाठी या आघाडीचे दालन उघडे.

Parivartan Mahashakti, Raju Shetty, Sambhaji Raje, Bachchu Kadu, Third Front Maharashtra, Maharashtra Politics, Farmer Issues Maharashtra, Sambhaji Raje Political Alliance, Bachchu Kadu Prahar Party, New Political Alliance, Maharashtra Third Front 2024, Maharashtra Assembly Elections 2024, Maharashtra Political News, Raju Shetty Sambhaji Raje Alliance.