सुषमा अंधारे यांच्या हस्ते वडगावशेरीतील मंडळांचा गौरव, १३७ मंडळांना स्मृतिचिन्ह आणि शॉल देऊन सन्मान!

पुणे : वडगावशेरी भागातील श्री. सदगुरु सयाजी नाथ माळी महाराज गणपती विसर्जन घाट येथे शिवसेना उद्धव बाळासाहेब ठाकरे गटाच्या उपनेत्या सुषमा अंधारे यांच्या हस्ते विसर्जन मिरवणुकीत भाग घेणाऱ्या १३७ गणेश मंडळांचा विशेष सन्मान करण्यात आला. या उपक्रमात गणेश मंडळांना स्मृतिचिन्ह आणि शॉल देऊन गौरव करण्यात आला.

या कार्यक्रमाचे आयोजन वडगावशेरी विधानसभा मतदारसंघाचे अध्यक्ष आनंद गोयल यांनी केले होते.दोन दिवस चाललेल्या गणपती विसर्जन मिरवणुकी दरम्यान ठाकरे गटाने आयोजित केलेल्या या सन्मान सोहळ्याचे परिसरातील नागरिक आणि गणेश मंडळांनी विशेष कौतुक केले.

विसर्जन घाट परिसरात महिला सशक्तीकरण आणि अत्याचारविरोधी प्रबोधनात्मक पोस्टर लावण्यात आली होती, जी नागरिकांचे लक्ष वेधून घेत होती.या प्रसंगी सुषमा अंधारे यांनी गणरायाचे मनोभावे पूजन केल्यानंतर त्याला निरोप देण्याची भावना व्यक्त केली.

या वेळी सुषमा अंधारे म्हणाल्या “गणरायाकडे न मागता अनेक गोष्टी मिळतात.” तसेच ठाकरे गटाकडून प्रत्येक गणेश मंडळाला सन्मानित करण्याचे वचन त्यांनी दिले.

कोथरूड, हडपसर आणि वडगावशेरी या विधानसभेच्या जागा साठी प्रयत्नशील : सुषमा अंधारे

वडगावशेरी विधानसभा निवडणूकी साठी पक्ष नेतृत्व कोणता उमेदवार उभा करेल, हा निर्णय शिवसेना उद्धव बाळासाहेब ठाकरे पक्ष ठरवेल मात्र आम्ही कोथरूड, हडपसर आणि वडगावशेरी या विधानसभेच्या जागा ठाकरे गटाला मिळाव्यात, अशी मागणी पक्षाकडे करण्यात आली आहे असे अंधारे यांनी स्पष्ट केले.

#TIMESOFPUNE

सर्व महत्वाचे आणि विश्वसनीय अपडेट साठी ग्रुप जॉईन करा. https://ln.run/MCeiB

Vadgaon Sheri Ganpati Visarjan, Pune Ganesh Festival, Shiv Sena Uddhav Balasaheb Thackeray, PMC Ganesh Mandal Honor, Ganesh Visarjan Pune, Sushma Andhare, Ganpati Procession, Pune Assembly Elections, Thackeray Group Ganesh Festival, Ganesh Mandal Awards Pune.