हिरकणी मावळ महिला पतसंस्थेची द्वितीय सर्वसाधारण सभा उत्साहात पार

Hirkani Maval Women’s Cooperative Credit Society successfully holds its 2nd Annual General Meeting

महत्वाचे आणि विश्वसनीय अपडेट साठी WhatsApp ग्रुप जॉईन करा =>https://ln.run/MCeiB

मावळ (प्रतिनिधी): 29 Sep 2025:
हिरकणी मावळ महिला नागरी सहकारी पतसंस्थेची द्वितीय वार्षिक सर्वसाधारण सभा दिनांक २७ सप्टेंबर २०२५ रोजी दुपारी २ वाजता पतसंस्थेच्या कार्यालयात पार पडली. या सभेचे अध्यक्षस्थान अध्यक्षा सौ. मीनाक्षी तिकोणे यांनी भूषविले.

कार्यक्रमाची सुरुवात मान्यवरांच्या हस्ते दीपप्रज्वलनाने झाली. यावेळी प्रमुख पाहुणे म्हणून मा. सभापती ज्ञानेश्वरजी दळवी, जनता बँक व्यवस्थापक भास्कर भेगडे, पवना कृषक संस्था चेअरमन गणपत निंबळे, व्यवस्थापक प्रदीप शिंदे, तसेच सहकार तज्ञ अड. महेंद्र खरात उपस्थित होते.

संस्थेच्या उपक्रमांत मोलाचे योगदान दिलेल्या आदर्श माता, वैद्यकीय सेवा देणाऱ्या महिला, उत्कृष्ट बचत गट अध्यक्ष, नियमित कर्जदार, स्वच्छता कामगार आणि दैनंदिन प्रतिनिधी यांचा विशेष सन्मान करण्यात आला.

मुख्य लिपिका भक्ती फडके यांनी वार्षिक अहवाल सादर केला. त्यानंतर भास्कर भेगडे यांनी सहकार विषयावर मार्गदर्शन केले तर प्रमुख वक्ते अड. महेंद्र खरात यांनी “सभासदांचा सहभाग, कर्तव्ये आणि क्रियाशील सभासदांची जबाबदारी” या विषयावर सविस्तर विचार मांडले. मा. सभापती ज्ञानेश्वर दळवी यांनीही सहकार व महिला सक्षमीकरणावर मार्गदर्शन केले.

या सोहळ्यात आदर्श माता कल्पनाताई लाखे यांनी मनोगत व्यक्त करून उपस्थितांना प्रेरित केले. कार्यक्रमाचे सूत्रसंचालन संचालिका कु. विद्या तिकोणे यांनी केले, तर आभार प्रदर्शन संचालिका कु. वैष्णवी दळवी यांनी मानले.

या वेळी उपाध्यक्ष उज्वला दळवी, मिनाक्षी भेगडे, संगीता नाईकरे, मानसी गुप्ते, नंदा दाभाडे, राजश्री नाईकरे, मंगल घोडके, सुरेखा पलंगे यांच्यासह संस्थेचे सर्व सभासद व मान्यवर मोठ्या संख्येने उपस्थित होते.

Hirkani Maval Women’s Cooperative Credit Society successfully holds its 2nd Annual General Meeting:
The Hirkani Maval Women’s Cooperative Credit Society held its 2nd Annual General Meeting on September 27, 2025, under the leadership of Chairperson Meenakshi Tikone. The event featured guidance from cooperative experts, recognition of outstanding women members and social contributors, and discussions on active participation and responsibilities of members. The program highlighted the role of women in cooperative movements and community empowerment.