सोनम वांगचुक तुरुंगात, निलेश घायवळ परदेशात; सरकारच्या भूमिकेवर राष्ट्रवादी काँग्रेसचा हल्ला!

Sonam Wangchuk jailed, Nilesh Ghaywal abroad; NCP slams government’s role

महत्वाचे आणि विश्वसनीय अपडेट साठी WhatsApp ग्रुप जॉईन करा => https://shorturl.at/7ovv7

Pune | 01 ऑक्ट – (प्रतिनिधी) – देशभक्त व शिक्षणतज्ज्ञ सोनम वांगचुक यांना राष्ट्रीय सुरक्षा कायद्यांतर्गत (NSA) तुरुंगात डांबले जात असताना, गंभीर गुन्ह्यांमध्ये आरोपी निलेश घायवळ मात्र लंडनमध्ये पोहोचतो, हेच महाराष्ट्र व केंद्र सरकारचे दुहेरी धोरण असल्याचा आरोप राष्ट्रवादी काँग्रेस पार्टी (शरद पवार गट)ने केला आहे. या अराजकतेविरोधात पुण्यातील बालगंधर्व रंगमंदिर चौकात शहराध्यक्ष प्रशांत जगताप यांच्या नेतृत्वाखाली तीव्र आंदोलन करण्यात आले.

सोनम वांगचुक यांचे योगदान:
लडाखमधील बर्फाळ भागात अत्यंत प्रतिकूल परिस्थितीत गरीब मुलांना शिक्षण देणारे सोनम वांगचुक हे नाव देशभर परिचित आहे. त्यांनी विकसित केलेले सोलर हिटेड तंबू भारतीय सैन्यासाठी अतिशय उपयुक्त ठरले. त्यांच्या सामाजिक व शैक्षणिक कार्यामुळे त्यांना मॅगसेसे पुरस्कारासह अनेक आंतरराष्ट्रीय सन्मान मिळाले. मात्र, गेल्या काही महिन्यांपासून त्यांनी चीनकडून लडाखमधील जमीन बळकावण्याचे प्रकार उघडकीस आणले. याचाच राग म्हणून मोदी सरकारने त्यांना तुरुंगात डांबले असल्याचा आरोप राष्ट्रवादीने केला आहे.

निलेश घायवळचे पलायन :
याउलट, पुण्यातील कुख्यात गुन्हेगार निलेश घायवळ हा खून, दरोडा, खंडणी, अपहरण व गोळीबारासारख्या गंभीर गुन्ह्यांमध्ये आरोपी असूनही बनावट पासपोर्टच्या आधारे लंडनला पळून गेला. एवढेच नव्हे तर, या प्रक्रियेत सरकारी पाठबळाशिवाय असे पलायन शक्य नाही, असा थेट आरोप आंदोलनकर्त्यांनी केला.

आंदोलनाची ठळक मागणी :

महाराष्ट्राचे गृहमंत्री देवेंद्र फडणवीस यांनी त्वरित चौकशी करावी

घायवळच्या पलायनाला जबाबदार अधिकाऱ्यांवर कारवाई करावी

मोदी सरकारने सोनम वांगचुक यांची तातडीने सुटका करावी.

आंदोलनादरम्यान मोठ्या संख्येने कार्यकर्त्यांनी “गुन्हेगारांना अभय, देशभक्तांना तुरुंग का?” अशा घोषणा दिल्या.

प्रशांत जगताप यांच्या नेतृत्वात उदय महाले, अनिता पवार, रमीझ सय्यद, किशोर कांबळे, हेमंत बधे, शैलेंद्र बेल्हेकर, प्रसाद कोद्रे, पप्पू घोलप, आसिफ शेख, डॉ. शशिकांत कदम, युसूफ शेख, रुपाली शेलार, नरेश पगडालु, गणेश नलावडे यांच्यासह मोठ्या संख्येने कार्यकर्ते उपस्थित होते.

Sonam Wangchuk jailed, Nilesh Ghaywal abroad; NCP slams government’s role

The Nationalist Congress Party (Sharad Pawar faction) held a strong protest at Bal Gandharva Chowk, Pune, condemning what they called the government’s double standards: allowing hardened criminal Nilesh Ghaywal to flee to London while jailing educationist and Magsaysay awardee Sonam Wangchuk under the National Security Act. NCP leaders demanded a probe against those who facilitated Ghaywal’s escape and urged the immediate release of Wangchuk, calling the situation a “disgrace to Indian democracy.”

#TIMESOFPUNE सर्व महत्वाचे आणि विश्वसनीय अपडेट साठी WhatsApp ग्रुप जॉईन करा.
https://shorturl.at/7ovv7