पावना मावळातील धानगव्हाणचे ‘अण्णा’ (कै. मारुती रामजी घारे) काळाच्या पडद्याआड

Anna of Dhanghavan in Pawan Maval Passes Away

महत्वाचे आणि विश्वसनीय अपडेट साठी WhatsApp ग्रुप जॉईन करा =>https://ln.run/MCeiB

मावळ (प्रतिनिधी): 26 Nov 2025:

पावना मावळ तालुक्यातील धानगव्हाण या गावातील शेतकरी कुटुंबातील रहिवासी आणि सामाजिक कार्यकर्ते कै. मारुती रामजी घारे (वय ६०) यांचे सोमवार, २४ नोव्हेंबर २०२५ रोजी अल्पशा आजाराने निधन झाले. घरात, नातेवाईकांत आणि गावात सर्वत्र “अण्णा” म्हणून ओळखले जाणारे मारुती घारे हे शांत, संयमी आणि सदैव हसतमुख स्वभावामुळे ग्रामस्थांच्या विशेष आपुलकीचे होते. आपल्या आयुष्याच्या प्रवासात त्यांनी पोल्ट्री, शेती, ट्रॅक्टर काम, गायी‑म्हशी‑बकरी पालन आणि दुग्ध व्यवसाय अशा लघुउद्योगांतून कुटुंबाचा आणि शेताचा सांभाळ करत उभारी दिली. धनगव्हाण‑येलघोल समूह ग्रामपंचायतीचे सदस्य म्हणून त्यांनी कुशलतेने आणि प्रामाणिकपणे जबाबदारी पार पाडत, गावाच्या कामात सक्रीय सहभाग नोंदवला. त्यांच्या पश्चात पत्नी, तीन मुली, एक मुलगा, सून आणि नातवंडे असा परिवार आहे.

“जीवनातील संघर्षातून पुढे जाताना त्यांनी अनेक छोटे–मोठे व्यवसाय उभारले व प्रामाणिकपणे सांभाळ केला.”:
~ लघुउद्योग
~ कोंबडीपालन (पोल्ट्री)
~ शेती
~ ट्रॅक्टर व कृषी उपकरणे
~ गाई-म्हशी-बकरी पालन
~ दुग्ध व्यवसाय

धानगव्हाण–येलघोल समूह ग्रामपंचायतीचे सदस्य म्हणून त्यांनी जबाबदारी, प्रामाणिकपणा आणि कुशलतेने काम पाहिले. कुटुंबासह पदाचा मान सांभाळत गावाच्या विकासासाठी ते नेहमी तत्पर होते.

त्यांच्या निधनाने गावांत, नातलगांमध्ये आणि परिचयातील सर्व वर्तुळात हळहळ व्यक्त केली जात आहे.
ईश्वर त्यांच्या आत्म्यास शांती देवो.

Anna of Dhanghavan in Pawan Maval Passes Away
Maruti Ramji Ghare, a 60-year-old farmer and social worker from a farming family in Dhanghavan village of Pawan Maval, passed away on Monday, 24 November 2025, after a brief illness. Affectionately known as “Anna” among relatives and villagers, he was widely respected for his calm, humble, and ever-smiling nature. Over the years, he supported his family and agriculture through small enterprises such as poultry, dairy, cattle and goat rearing, tractor-related work and other allied activities. Ghare also served with honesty and dedication as a member of the Dhanghavan–Yelghol group gram panchayat, actively contributing to local community affairs, and is survived by his wife, three daughters, one son, daughter-in-law and grandchildren.