अजित पवारांची डोकेदुखी वाढली: महामंडळ पद नाकारत, “मावळ विधानसभेसाठी” बापूसाहेब भेगडे ठाम…

Bapusaheb Bhegade Demands Maval Assembly Seat

महत्वाचे आणि विश्वसनीय अपडेट साठी WhatsApp ग्रुप जॉईन करा =>https://ln.run/MCeiB

वडगाव मावळ : राष्ट्रवादी काँग्रेस (अजित पवार गट) चे प्रदेश उपाध्यक्ष बापूसाहेब भेगडे यांनी मावळ विधानसभा मतदारसंघातून उमेदवारीची ठाम मागणी करत आपले मत स्पष्ट केले आहे. एका तातडीच्या पत्रकार परिषदेत भेगडे यांनी सांगितले की, राष्ट्रवादी काँग्रेसने त्यांच्या उमेदवारीची घोषणा करावी, अन्यथा कार्यकर्त्यांच्या भावना लक्षात घेऊन ते पुढील भूमिका ठरवतील

महामंडळाची नियुक्ती नाकारली : महाराष्ट्र कृषी शिक्षण व संशोधन परिषदेच्या उपाध्यक्षपदी भेगडे यांची निवड राष्ट्रवादी काँग्रेसकडून जाहीर झाली होती. मात्र, भेगडे यांनी या पदावर काम करण्यास नकार दिला आहे. “मी या पदासाठी कोणताही अर्ज केला नव्हता, त्यामुळे मला या पदावर काम करण्याची इच्छा नाही,” असे त्यांनी स्पष्ट केले.

उमेदवारीची ठाम मागणी : भेगडे यांनी मावळ विधानसभा मतदारसंघातून उमेदवारीसाठी आपली भूमिका स्पष्ट केली आहे. ते म्हणाले, “गेल्या ३५ वर्षांपासून मी निष्ठेने काम करत आलो आहे. नगरसेवक, उपनगराध्यक्ष आणि पुणे महानगर नियोजन समितीवर काम केलं आहे. मी मावळ विधानसभेची उमेदवारी मागितली असून, पक्षाने ती जाहीर करावी.”

कार्यकर्त्यांचा विश्वास आणि समर्थन: कार्यकर्त्यांच्या भावनांना प्राधान्य देत भेगडे यांनी उमेदवारीसाठी ठाम मागणी केली आहे. “पक्षाने जर माझी उमेदवारी जाहीर केली नाही तर कार्यकर्त्यांच्या भावना जाणून घेऊन पुढील निर्णय घेऊ,” असा इशाराही त्यांनी दिला. या पत्रकार परिषदेत राष्ट्रवादी काँग्रेसचे ज्येष्ठ नेते बबनराव भेगडे, बाबुराव वायकर, सुभाषराव जाधव, सचिन घोटकुले यांच्यासह अनेक कार्यकर्ते उपस्थित होते. भेगडे यांनी त्यांच्या राजकीय कारकिर्दीतील अनुभव मांडत, विधानसभेच्या उमेदवारीसाठी पक्षावर विश्वास व्यक्त केला.

“महामंडळ नाकारले, उमेदवारीवर ठाम – बापूसाहेब भेगडे”
Board Position Rejected, Firm on Candidature – Bapusaheb Bhegade

“राष्ट्रवादीच्या मावळात उमेदवारीसाठी भेगडे ठाम, कार्यकर्त्यांच्या भावनांचा विचार” Bhegade Firm on Maval Assembly Candidature, Respects Workers’ Sentiments

“महामंडळ पद नाकारत, मावळ विधानसभेवर भेगडे यांचा निर्धार” Bhegade Rejects Board Position, Focuses on Maval Assembly Seat

Bapusaheb Bhegade, Vice President of the Ajit Pawar faction of NCP, has rejected the position of Vice Chairmanship of the Maharashtra Agricultural Education and Research Council, asserting his strong desire for the Maval Assembly seat candidacy. He emphasized his loyalty to the NCP, with over 35 years of political experience, and hinted at deciding his next course based on the sentiments of his supporters if his candidature is not announced.